This website requires JavaScript.

Evróputilskipun um gagnsæi í launum | Sækja rafbók hér.

Fréttatilkynning

PayAnalytics hlýtur Nýsköpunarverðlaun Íslands 2023 fyrir árangur á alþjóðamarkaði

Reykjavík, Ísland 27. október 2023—Í gær hlaut PayAnalytics Nýsköpunarverðlaun Íslands fyrir árangur á alþjóðamarkaði.

Nýsköpunarverðlaunin eru viðurkenning sem veitt er til fyrirtækja sem skarað hafa fram úr með þróun nýrrar vöru eða þjónustu “sem byggð er á rannsóknar- og nýsköpunarstarfi og náð hefur árangri á markaði.” Aðferðarfræði PayAnalytics er byggð á áralöngum rannsóknum stofnenda fyrirtækisins. Hugbúnaðurinn gerir mannauðs- og launastjórum kleift að framkvæma launagreiningar og ráðast á launabil með aðgerðaráætlun og kostnaðargreiningu. Valnefnd verðlaunanna sagði hugbúnaðinn “leiða til mikils samfélagslegs ávinnings”.

Guðrún Þorgeirsdóttir, stofnandi og framkvæmdastjóri viðskiptaþróunar hjá PayAnalytics, og Garðar Hauksson, stofnandi og tæknistjóri, tóku við verðlaununum frá Áslaugu Örnu Sigurbjörnsdóttur, háskóla-, iðnaðar- og nýsköpunarráðherra á Nýsköpunarþingi í Grósku í gær. 

Tilkynningin og verðlaunaafhendingin kom í kjölfar kvennafrídagsins, þegar tugþúsundir kvenna komu saman á Arnarhóli í miðborg Reykjavíkur. Gangan vakti athygli á því hve brýnt væri að tala fyrir jafnrétti og sanngirni á vinnustöðum – óháð kyni, kynþætti, kynhneigð, aldri eða öðrum lýðfræðilegum þáttum.

PayAnalytics fær Nýsköpunarverðlaun Íslands 2023

Guðrún Þorgeirsdóttir, framkvæmdastjóri viðskiptaþróunar, og Garðar Hauksson, tæknistjóri, tóku við verðlaununum frá Áslaugu Örnu Sigurbjörnsdóttur, háskóla-, iðnaðar-, og nýsköpunarráðherra.

PayAnalytics er leiðandi í fræðslu og umræðu um launabil

Nýsköpunarverðlaunin Íslands eru veitt af Hugverkastofunni, Rannís, Íslandsstofu og Nýsköpunarsjóði atvinnulífsins, en tilgangur verðlaunanna er að varpa ljósi á þau mikilvægu tengsl sem eru á milli rannsókna og þekkingaröflunar og aukinnar verðmætasköpunar í atvinnulífinu. Verðlaunahafar eru fyrirmyndir fyrir önnur nýsköpunarfyrirtæki á Íslandi. Fyrri verðlaunahafar eru meðal annars CCP, Controlant, Sidekick Health, og Kerecis. 

PayAnalytics hlaut einnig lof frá valnefnd fyrir að vera leiðandi í fræðslu og umræðu um launabilið. Fræðsluefni PayAnalytics er að finna á sjö tungumálum í formi rafbóka, greina og hlaðvarpa, og gerir stjórnendum og starfsfólki kleift að öðlast djúpan skilning á viðfangsefninu og aðferðum til að minnka launamun. 

„Þegar hugmyndin kviknaði að þróun hugbúnaðar sem einfaldaði notkun gagna og greininga til að loka launabilum var það fjarlægt að innan nokkurra ára yrði hugbúnaðurinn markaðsleiðandi bæði í Evrópu og Norður-Ameríku. Gulleggið 2016, styrkur Tækniþróunarsjóðs 2018, framsækin íslensk fyrirtæki sem komu í viðskipti, fjárfesting Nýsköpunarsjóðs 2020 og fjárfesting Nýsköpunarsjóðs og Eyris Vaxtar árið 2021, voru allt lykiláfangar á vegferð okkar. Við erum stolt af því að bætast í hóp þeirra glæsilegu fyrirtækja sem hafa fengið Nýsköpunarverðlaun Íslands og teljum að árangur PayAnalytics endurspegli mikilvægi stuðnings öflugs íslensks sprotasamfélags“ segir Guðrún.

Guðrún Þorgeirsdóttir.

Guðrún Þorgeirsdóttir, framkvæmdastjóri viðskiptaþróunar hjá PayAnalytics.

„Við erum stolt af því að bætast í hóp þeirra glæsilegu fyrirtækja sem hafa fengið Nýsköpunarverðlaun Íslands og teljum að árangur PayAnalytics endurspegli mikilvægi stuðnings öflugs íslensks sprotasamfélags“.
— Guðrún Þorgeirsdóttir

Í rökstuðningi valnefndar kemur fram: “Félagið mun áfram sinna mikilvægu þróunarstarfi umfram jafnlaunahugbúnaðinn þar sem raunverulegu jafnrétti í launum verður ekki náð fyrr en öll kyn og allir þjóðfélagshópar hafa sömu möguleika á að komast í hærra borguð störf. Slíkur jöfnuður næst ekki eingöngu með launabreytingum heldur verður að breyta samsetningu þess hóps sem kemst í hærra launuð störf. Þar er PayAnalytics leiðandi í heiminum í dag en hyggst leggja mikinn kraft í að þróa þá lausn áfram.”.

PayAnalytics þakkar valnefndinni fyrir viðurkenningu á okkar starfi.  

Viltu sjá hvernig PayAnalytics virkar? Bókaðu fund til að kynnast lausninni.


Skráðu þig á póstlistann okkar
Skráðu þig á póstlistann okkar

Skráðu þig á póstlistann okkar

Við sendum við og við út tölvupósta sem innihalda fréttir af starfseminni, áhugaverðar greinar um jafnlaunamál og tilkynningar um uppfærslur á hugbúnaði PayAnalytics.

Set Your 2024 Pay Equity Goals Now with These Instructional Coffee Talks

This year in Coffee Talks, we worked through the reasons – and we hope our many avid listeners did, too – that a goal-oriented pay philosophy is the fundamental groundwork for pursuing and sustaining fair pay. In this blog, we’ll cover a few “memorable moments” that give expert insights (straight from the pros) into practicing pay equity for the long term.

Aftur á fréttasíðu