Um PayAnalytics

PayAnalytics hjálpar fyrirtækjum að mæla og loka launabilinu, og halda því lokuðu. Einnig bjóðum við upp á greiningar á starfsmannahópnum til að fá betri innsýn í fjölbreytileika og dreifingu starfsfólks. Hugbúnaðurinn er í notkun um allan heim og byggir á meira en áratug af rannsóknum og þróun.

PayAnalytics er í eigu svissneska hugbúnaðarfyrirtæksins beqom, sem býður upp á alhliða launalausn sem sameinar launastjórnun, frammistöðumat, sölustjórnun, og hvatakerfi.

Mynd af skrifstofu PayAnalytics

Notað í
75+ löndum

Stærð fyrirtækja er allt frá
20 til 300.000 starfsmenn

Við tryggjum sanngjörn laun fyrir
yfir 1.5+ milljón manns

Okkar hlutverk

Við hjálpum vinnuveitendum að búa til sanngjarnari vinnustaði.

Með því að bjóða upp á hugbúnað sem hjálpar fyrirtækjum og stofnunum að framkvæma launa- og starfsmannagreiningar á auðveldan hátt stuðlum við að auknu jafnrétti á vinnustöðum. Við veitum góðan stuðning sem hjálpar þér að tryggja jafnan aðgang að tækifærum, óháð kyni, kynþætti, aldri eða öðrum þáttum.

Okkar sýn

Launajafnrétti er viðráðanlegt markmið

Gildin okkar

Opin

Við trúum því að opin og heiðarleg samskipti séu lykillinn að árangri.

Sanngirni

Við viljum skapa framtíð sem er sanngjörn fyrir öll, og höfum það að leiðarljósi í öllum okkar samskiptum.

Hjálpsemi

Við hjálpum hvort öðru að ná árangri og okkar helsta markmið er að sjá viðskiptavini, samstarfsaðila og samstarfsfélaga ná árangri.

Samvinna

Við hlúum að góðum samstarfsanda innan fyrirtækisins og í starfi okkar með viðskiptavinum og samstarfsaðilum. Þegar eitt okkar nær árangri náum við öll árangri.

“Við erum stödd á einstökum tímapunkti í sögunni, það er (loksins!) ekki lengur ásættanlegt að mismuna í launum á grundvelli kyns, húðlitar, kynhneigðar eða annarra lýðfræðilegra þátta.”

Dr. Margrét Vilborg Bjarnadóttir
Stofnandi PayAnalytics
Mynd af Margréti Vilborgu Bjarnadóttur, stofnanda PayAnalytics.
Mynd frá skrifstofu PayAnalytics í Grósku

Saga PayAnalytics

Hugbúnaður PayAnalytics spratt upp úr þörf hjá stóru fjármálafyrirtæki, sem hafði komist að því að hjá því væri 8% launamunur, körlum í hag. Framkvæmdastjóri rekstrarsviðs fyrirtækisins naut stuðnings stjórnar til að ná launabilinu niður. Hins vegar, ári síðar þegar mæling var gerð aftur kom í ljós að enginn breyting hafði orðið á. Fyrirtækið komst að þeirri niðurstöðu að góður ásetningur væri ekki nóg og að beita þyrfti markvissum gagnadrifnum aðferðum. Hann vildi góð svör svið spurningum eins og: Hver eiga að fá launahækkun? Hversu háar eiga launahækkanirnar að vera? Hvað munu þær kosta?

Hann gekk til liðs við Dr. Margréti Vilborgu Bjarnadóttur og Dr. David Anderson, fremstu sérfræðinga heims í launagreiningarmálum. Niðurstaðan úr samstarfi þeirra var PayAnalytics hugbúnaðurinn sem nú er notaður í yfir 75 löndum til að greina laun fyrir yfir 1,5 milljón manns, af fyrirtækjum af öllum stærðum og gerðum.

Í desember 2023 tilkynnti PayAnalytics samruna við svissneska hugbúnaðarfyrirtækisins beqom, en beqom býður upp á alhliða launalausn sem sameinar launastjórnun, frammistöðumat, sölustjórnun, og hvatakerfi.

Stofnendur PayAnalytics

A photograph of Margrét Vilborg Bjarnadóttir

Dr. Margrét Vilborg Bjarnadóttir

Stofnandi

Margrét hefur leitt PayAnalytics frá því að hún fékk hugmyndina, vinnur að tækniþróun og stjórnar samskiptum við viðskiptavini. Margrét er með próf í iðnaðarverkfræði frá Háskóla Íslands, doktorspróf í aðgerðargreiningu frá MIT og er dósent við Viðskiptaháskólann University of Maryland. Margrét Vilborg var ein af tíu sem voru tilnefnd til verðlaunanna Framúrskarandi ungir Íslendingar árið 2017 og hlaut aðalverðlaun Global Women Inventors & Innovators Network í júní 2019 fyrir starf sitt með PayAnalytics. Árið 2019 var Margrét valin Háskólakona ársins af Félagi háskólakvenna.

Dr. David Anderson

Dr. David Anderson

Stofnandi og stjórnarmaður

David Andersson sér um að algrímar PayAnalytics séu þeir bestu á markaðinum og keyri hratt og örugglega í bakenda lausnarinnar. David er með doktorspróf frá Viðskiptaháskólanum við University of Maryland, og er núna lektor við Villanova University í Pennsylvaníu.

Stjórnendateymi

Sigurjón Pálsson

Stofnandi og framkvæmdastjóri

Sigurjón var framkvæmdastjóri rekstrarsviðs í Arion banka 2011 til 2017. Hann bar þannig ábyrgð á mannauðsmálum bankans þegar bankinn innleiddi fyrstur stórra fyrirtækja á Íslandi jafnlaunastaðalinn árið 2015 og fékk vottun. Sigurjón er verkfræðingur frá HÍ og með tvö meistarapróf, annars vegar í stjórnun frá KTH og hins vegar í lógistík frá MIT.

Garðar Hauksson

Stofnandi og tæknistjóri

Garðar Hauksson er stofnandi og tæknistjóri PayAnalytics. Garðar er með yfirgripsmikla reynslu af þróun og umsjón með hugbúnaðarverkefnum og hefur unnið að þróun hugbúnaðar hjá Google, bakendaþjónustum hjá dohop.com, snjallsímaforritun hjá Gangverki sem hann var meðstofnandi að og að lækningahugbúnaði hjá Nox Medical. Garðar er með B.Sc. gráðu frá Háskóla Íslands í rafmagnsverkfræði og M.Sc. gráðu í sama fagi frá Boston University.

Guðrún Þorgeirsdóttir

Framkvæmdastjóri viðskiptaþróunar

Guðrún Þorgeirsdóttir var framkvæmdastjóri viðskiptaþróunar hjá Skeljungi frá 2013 til 2014 og framkvæmdastjóri fjármálasviðs frá 2014 til 2016. Guðrún hefur reynslu sem framkvæmdastjóri áhættustýringar og sem fjárfestingarstjóri og er löggiltur verðbréfamiðlari. Guðrún er reyndur stjórnarmaður og hefur gegnt stjórnarstörfum í tryggingarfélögum, fjármálafyrirtækjum og verslunar- og þjónustufyrirtækjum. Guðrún er með B.Sc. í iðnaðarverkfræði frá Háskóla Íslands og MBA frá HEC School of Management í Frakklandi.

Leópold Kristjánsson

VP Engineering Front-End

Leópold er viðmótsforritari og vefhönnuður hjá PayAnalytics. Leópold er með gráðu í Arkitektúr frá TU Berlín og stundaði nám í tölvunarfræði við Háskólann í Reykjavík. Frá árinu 2012 hefur hann starfað sem viðmótsforritari. Leópold hefur unnið að þróun notendaviðmóta fyrir ýmis kerfi í fjármála- og tryggingastarfsemi. Hann hefur líka mikla reynslu af markaðstengdum vefverkefnum fyrir fjölbreytt fyrirtæki, svo sem í raforkusölu, fjármálum, tækni, lyfjaþróun og ferðaþjónustu. Leópold hefur unnið við verkefnastýringu og stjórnun fyrir Norræna Húsið, 365 miðla, Skífuna og Iceland Airwaves.

Víðir Ragnarsson

Forstöðumaður ráðgjafar

Víðir Ragnarsson leiðir ráðgjöf í jafnlaunamálum til viðskiptavina PayAnalytics. Víðir vinnur að gerð fræðsluefnis fyrir viðskiptavini PayAnalytics, eflir tengsl og stuðning við ráðgjafastofur sem nota PayAnalytics, ásamt því að sérsníða ráðgjöf að stærri erlendum viðskiptavinum. Víðir tryggir að óskir notenda skili sér í þróun PayAnalytics ásamt því að styðja við markaðsstarf og kynningu á lausninni. Víðir hefur yfir tíu ára reynslu frá Orkuveitu Reykjavíkur meðal annars við stýringu og uppbyggingu jafnlaunakerfis og jafnréttismála, nú síðast sem verkefnastjóri OR samstæðunnar í jafnréttismálum.

Akademískir samstarfsaðilar

David Gaddis Ross

Akademískur samstarfsaðili

David Gaddis Ross er Prófessor við Viðskiptaháskóla Háskólans í Flórída (University of Florida). Áður en hann gekk til liðs við Flórídaháskóla var hann lektor og dósent with Viðskiptaháskóla Colombia Háskólans í New York. Rannsóknir Dr. Ross beinast aðallega að stjórnarháttum fyrirtækja og þá sérstakleg á áhrif kyns stjórnenda á stjórnun fyrirtækja. Dr. Ross er með doktorsgráðu í hagfræði frá Stern viðskiptaháskólanum, með M.B.A. frá Wharton School of Business, og B.S. í tölvunarfræði, stærðfræði og hagfræði frá Binghamton Háskóla. Dr. Ross hefur einnig starfað sem fjármálaráðgjafi á vegum Citigroup og NatWest Securities.

Cristian Dezső

Akademískur samstarfsaðili

Cristian Dezső er dósent við Viðskiptaháskóla Maryland Háskóla. Rannsóknir hans beinast einkum að áhrifi kyns á stefnur fyrirtækis, laun og framgang auk afkomu. Að auki hefur hann beitt leikjafræði til að rannsaka t.d. orðspor fyrirtækja, tækniinnleiðingar og markaðsvæðingu. Dr. Dezső er með doktorsgráðu í hagfræði og alþjóðaviðskiptum frá Stern viðskiptaháskólanum, M.A. in hagfræði og B.A. í viðskiptafræði. Dr. Dezső hefur einnig starfað sem ráðgjafi, þar sem hann beitti hagfræðigreiningum á margvís viðfangsefni allt frá auðhringamyndun til flókinna lagasetninga.

Viltu vinna með okkur?

Sendu á okkur línu!
Skoða laus störf