Evróputilskipun um gagnsæi í launum | Sækja rafbók hér.
Samstarf Markaðslauna PwC og PayAnalytics
PricewaterhouseCoopers ehf. (PwC) og PayAnalytics ehf. hafa gert með sér samkomulag um samstarf sem snýr að aðgengi niðurstaðna Markaðslauna PwC í kerfi PayAnalytics.
Samningurinn var undirritaður sl. föstudag á Mannauðsdeginum í Hörpu af Hafsteini Má Einarssyni stjórnanda Markaðslauna PwC og Guðrúnu Þorgeirsdóttur framkvæmdastjóra viðskiptaþróunar hjá PayAnalytics.
Samstarfið veitir fyrirtækjum sem eru notendur PayAnalytics og jafnframt kaupendur að Markaðslaunum PwC möguleikann að fá afhenta sérsniðna gagnaskrá frá PwC með niðurstöðum Markaðslauna sem hægt er að hlaða upp í PayAnalytics.
Samstarfið felur í sér aukna þjónustu og notkunarmöguleika fyrir sameiginlega viðskiptavini Markaðslauna PwC og PayAnalytics.
Um Markaðslaun PwC
Árlega gerir PwC könnun og skýrslu um markaðslaun á Íslandi. Skýrslan byggir á launaupplýsingum 15-20 þúsund launþega á Íslandi eða um 10% vinnuafls á markaðinum. Í skýrslunni eru sett fram markaðslaun fyrir meira en 150 ólíkar tegundir starfa, þ.m.t. stjórnendastörf, sérfræði- og tæknistörf, skrifstofustörf, sölu- og þjónustustörf, iðnaðarstörf, fiskiðnaðarstörf, vélgæslustörf og ósérhæfð störf. Áreiðanleiki skýrslunnar er ótvíræður þar sem gögnin byggja á upplýsingum úr launakerfum þátttökufyrirtækja.
Um PayAnalytics
PayAnalytics er hugbúnaðarlausn sem auðveldar fyrirtækjum að framkvæma launagreiningar og ráðast á launabil kynjanna með aðgerðaráætlun og kostnaðargreiningu. Auðvelt er að greina áhrif einstakra breytinga á launabilið vegna nýráðninga, tilfærslna í starfi og launabreytinga, áður en ákvörðun er tekin.
Hugbúnaðurinn gerir auk þess tillögur að launum fyrir nýtt starfsfólk og starfsfólk sem fer í ný störf. PayAnalytics er í dag notað til að greina laun um 25% allra sem starfa á Íslandi.
